Óflokkað

SÖNGVASKÁLD Á SUÐURNESJUM – MAGNÚS ÞÓR SIGMUNDSSON

0

Tónleikaröðin Söngvaskáld á Suðurnesjum hefur fengið frábærar viðtökur og nú er orðið uppselt á síðustu tónleikana í röðinni, sem fjalla um Magnús Þór Sigmundsson. Ákveðið hefur verið að bæta við aukatónleikum sem munu fara fram sunnudaginn 9. apríl kl. 20:00.

Tónleikarnir verða sem fyrr haldnir í Bergi í Hljómahöll þar sem kynnt verður sagan á bak við tónlistina í heimilislegri stemmningu. Kynnir og handritshöfundur er Dagný Gísladóttir, söngvari er Elmar Þór Hauksson og útsetningar og píanóleikur er í höndum Arnórs B. Vilbergssonar sem nýverið hlaut Menningarverðlaun Reykjanesbæjar.

Magnús Þór Sigmundsson er kunnastur fyrir samstarf sitt með öðru söngvaskáldi af Suðurnesjum, Jóhanni Helgasyni, en saman störfuðu þeir sem Magnús & Jóhann, Pal brothers og í hljómsveitinni Change. Seinna skildu leiðir og hefur Magnús Þór gefið út fjöldann allan af sólóplötum meðal annars ætlaðar börnum. Mörg laga Magnúsar Þórs hafa notið vinsælda og má þar nefna blue Jean Queen, Ást, Alfar, Jörðin sem ég ann og Ísland er land þitt sem stundum er kallað hinn þjóðsöngur Íslands.

Miðasala á aukatónleikana er hafin og fer fram á hljomaholl.is og tix.is og er miðaverð kr. 3.400.

Skrifaðu ummæli